超過300年老字號英國品牌係皇室至愛，有皇室加持，好多人去到倫敦都一定要去打卡，主題色係少女最愛既薄荷綠，加上售賣既都係高質家品同茶品，深得大眾歡迎，亦係買手信好地方。不過上月佢地ig宣布將黎香港K11 MUSEA開設全球首間海外旗艦店同餐廳，將英女王最愛既英式高茶、餅乾、家品通通帶黎香港。今次唔駛飛都體驗到英倫味道喇，真係叫人好期待！香港店會有兩層，一層係英式餐廳，另一層就係賣賣英式茶、餅乾等。
▲Fortnum & Mason 係榮獲伊麗莎白女皇和查理斯王子所頒授既皇室認證，身為高品質居家用品和茶品的百貨公司，持續為英國皇室提供食物與茶品，服務左英國 12 代君主。
▲品牌旗下供應下午茶的Tea Salon，更特別為英女皇的鑽禧紀念易名The Diamond Jubilee。相信佢地呢個英式下午茶一定大大吸引香港女士，唔知道會唔會又引起排隊熱潮呢？
▲除左餐廳之外，仲有百貨公司既食品、瓷器、茶葉、茶具、糖果等。
▲呢個品牌連英女皇都飲已經唔惹少，佢地仲搜羅了世界各地好似大吉嶺、喜馬拉雅山等地頂級茶葉，全部都係皇室御用！
▲除左招牌茶品、餅乾外，仲有售賣香檳、精美禮物籃，大時大節送hamper 又多個貴氣既選擇喇！
Fortnum & Mason香港店
地址：香港九龍尖沙咀梳士巴利道18 號Victoria Dockside K11 MUSEA
預計開店日期：2019年9月
文字：香港人.遊香港 ／圖片來源：xiaohongshu