小編超鐘意飲湯，就算天氣熱冇咩胃口都會選擇，飲碗湯食埋湯料當正餐食！尖沙咀中港中心呢度就開左間燉湯專門店，店內坐得唔逼，落地玻璃望出去就係車水馬龍既廣東道。Lunch推出既燉湯飯餐簡直係OL恩物！湯既分量超多，有成三小碗，不過就飯多餸少，兩個女仔去既話，小編建議order一份燉湯套餐，再單點一兩個餸，食lunch 就有一盅暖暖既燉湯配白飯，真係感覺非常幸福！可以靜靜地堂食緊係好，有時多野做到行唔開，如果你office 都係廣東道，店家仲會提供外賣直送，相信呢個亦係佢地理念黎，令忙碌既上班族都可以飲到健康燉湯，如果外送服務範圍更廣大就完美喇！
▲川貝百合海底椰燉鷓鴣原盅燉湯($55)有滋陰補腎，化痰止咳作用、花旗參石斛燉鷓鴣湯($55)味道清甜鮮美，有滋陰潤肺清熱生津之效。
▲有10款選擇，包括杞子花膠燉響螺湯、舞松茸燉海參湯、花旗參石斛燉鷓鴣湯、蟲草花花膠燉響螺湯、川貝百合海底椰燉鷓鴣、核桃蜜瓜燉螺頭湯、菜膽花菇竹笙燉花膠筒、沙參玉竹燉烏雞湯、雙椰燉頂鴿湯、鮮人參石斛燉竹絲雞湯。唔知飲邊款好，可以問下店員意見。
▲燉湯飯餐-豬扒炒洋蔥飯($60)飯餸比例都唔一致，細食既朋友可以order少飯
▲中午既燉湯飯餐既選擇之中咖哩牛腩飯比較抵食！咖哩汁唔算好辣，d汁可以撈飯食。
▲燉湯之中，杞子花膠燉響螺湯最受女士歡迎！湯品滋補，有養顏美肌作用。
湯直送
地址：尖沙咀廣東道122-126號中港中心7樓全層
電話：31000200 營業時間：11:00 – 23:00
文字：香港人.遊香港 ／圖片來源：xiaohongshu、@365soup