呢間開一冇耐既車仔麵店以天然同無添加食材入饌，用心做好一碗車仔麵，老闆係個對食物堅持既潮洲人，車仔麵湯底一d都唔馬虎，每日用雞肉、面豉、木魚湯以三四個鐘熬製，另外佢地挑選食材要求都好高，細細粒既牛丸雖牛味濃，而且彈牙十足。墨魚丸、胡椒豬肉丸都香氣十足，呢d丸都係潮汕直送，所以同出面食果d唔同。呢度醬汁係自家調製，蜂蜜醬油、黑松露黑蒜醬油加入個麵食，味道特別提升！做車仔麵都咁認真，真係唔怪得米芝蓮都推介！
▲中環蘇豪區居然有又平又抵食既車仔麵，以天然及無添加食材製作。Lunch 過黎食都係＄42 兩餸麵！
▲每枱有一樽自家製辣菜甫供應，以本地品牌寶生園蜜糖同淘大醬油慢煮成蜂蜜醬油加入車仔麵食，甜甜哋幾夠味，係正既！
▲韓國泡菜煎蛋餅+頭水紫菜+米線+蜂蜜醬油 ($44)
▲手打牛肉丸，丸類都係潮洲直送！
▲其中一個老闆係畫家黎，唔肚餓行過都可以同呢個3d藝術打卡！
蜜斗 The Noodle Hive
地址：中環伊利近街12A號地舖
電話：97990901
營業時間：星期一至五 12:00 – 19:00/星期六 12:00 – 18:00/星期日休息／公眾假期及公眾假期前夕12:00 – 19:00
文字來源：香港人遊香港 /圖片來源：＠samoht_c、@kadyfung、@see.shelle、@neruno、@carrielam1104