fbpx
香港人遊香港

灣仔滷味:【打工仔街坊斬料加餸之選!滷水鵝+豆腐+滷水蛋】- 潮洲滷

打工仔街坊斬料加餸之選!滷水鵝+豆腐+滷水蛋

行過灣仔街市,遠遠已經聞到陣陣滷水味,好多附近打工仔放左工都會黎斬料加餸!滷水鵝外皮光鮮,可見鬆軟入味,製作好味既滷水鵝唔易,要以調配好既鹵水汁浸泡,再懸吊掛乾,有客人order先切成一片片厚實鵝片。滷水汁加入大量八角、花椒等香料來維持滷水香氣同口味,鵝油同肉汁互相交融,不過小編覺得食滷水一定係食豆腐同滷水蛋!滷水豆腐吸索哂汁,食落綿密順滑,甘香有豆味,而滷水蛋黃再加埋香而唔鹹既滷水汁真係撈飯一流!


▲滷水鵝選用鵝肉外皮光滑,脂肪含量適中,滷水汁亦陳年留香唔鹹,鵝肉鬆軟入味,附有滷水汁及醋,建議食前先淋滷水汁。


▲滷水雜錦:有鵝肉、鵝腎、板豆腐同滷水蛋,全部都係小編最愛!滷水味道又香又醇,豆腐唔會柴皮,綿密滑順!鵝腎軟滑爽口,香醇味道濃郁!


▲滷水鵝肉飯:滷味斬功工整,黎買飯盒食都幾唔錯!


▲繁忙時間只見師傅手起刀落斬滷水鵝肉,放工真係有條人龍,大家都買黎加餸!

潮洲滷

地址:灣仔石水渠街1-13號其發大廈地下8號舗
電話:37020068
營業時間:10:00 – 19:30

文字來源:香港人遊香港 /圖片來源:@ram_1_4、@dinewithoutgirlfriend、@katrinawsm

Tagged with:     , , ,

Follow us

合作查詢

歡迎與我們聯絡, 查詢合作