連續7年米芝蓮推介！
中環隱藏了不少充滿神秘感的餐廳，其中呢間連續7年米芝蓮推介由埃及人開設的以神秘中東黎巴嫩、北非為主打。餐廳店裡店外都充滿異國風情，外國氣氛濃烈。食物仲非常特別，好似中東包表面望上乾身但內裡非常鬆，軟棉棉。配埋摩洛哥尖塔造型的Tagine鍋，吸收晒香濃香料的醬汁令其味道更上一層樓。仲有鷹嘴豆蓉、茄子蓉都是中東特式食物，值得一試。
▲裝修充滿異國風情， 座位分室外同室內。
▲開胃前菜有油浸無核橄欖，粒粒飽滿帶微酸，佐酒一流。
▲Pita Bread中東包，表面乾身內裡非常鬆軟棉棉。啡色入口帶點甜麥味，白色是普通。記住趁熱食!
▲Hommos with Chicken($75)，鷹嘴豆味香濃而且打得細滑。雞肉用上小茴香等香料調味，烤得剛好，肉質夠嫩。
▲Zaaluk ($70)：由茄子、新鮮檸檬汁、蒜、芫荽、橄欖油製成，茄子香味濃郁又滑。表面再放上生洋蔥粒帶點辛辣，配上中東包食一流。
▲羽衣甘藍沙律，除了羽衣甘藍還加入了蕃茄、青瓜、檸檬汁、黑椒和橄欖油。味道帶微酸和黑椒香氣，非常清新開胃。
▲Seafood Tagine ($190) ：尖塔造型的Tagine鍋非常足料大大煲，有蜆、蝦、魷魚、魚塊、蔬菜等。香料味濃，但加入新鮮檸檬汁酸酸地中和返。
▲Cous Cous北非小米，粒粒分明少少乾身，配合Tagine的醬汁一齊食非常合適。
▲Mojito(左) ($70) ：蘭姆酒和薄荷葉用的分量剛剛好，不會互相搶味。
The Sheikh(右) ($70)： 用了蘭姆酒、薄荷葉、菠蘿汁調製，菠蘿汁多了一種清新味道，更易入口。
Sahara Mezz Bar
地址: 中環蘇豪伊利近街11號地下
電話: 22916060
營業時間: 18:00-01:00
文字／圖片來源：香港人.遊香港