係銅鑼灣渣甸坊內，同大街有點少許距離，如果唔係銅鑼灣返工既地膽朋友介紹，真係好容易會miss左間小店！老闆每日默默咁準備魚肉打成魚蛋，經過多年打魚蛋技術爐火純青，每次都使用上三款魚肉保持鮮味，更保證到佢地出品既質素。除左魚蛋，呢度好多食材好似丸類、餃子、雲呑等，都係由工場自家製造。其中以墨魚蝦條最為有特式，墨魚蝦條落粉唔算多，食落仲食到粒粒蝦肉、墨魚肉、粟米粒，堂食唔夠買埋返去做打邊爐料都仲得！
相關文章：
【平食人氣斬料之選！深水埗平靚正黑胡椒燒鴨！】
【大熱珍珠奶茶雪糕夾餅+雞蛋仔！】
【荃灣小食店有得食英式傳統炸蛋！】
▲小店店鋪細細，好多食材都係自設工場新鮮製作。大家仲可以預訂d火鍋料！
▲魚蛋魚片河 ($36) 魚蛋魚片都係自家製作，老闆話之前係因將軍澳街市要收回，所以轉戰銅鑼灣！魚蛋魚片河配有香蔥、炸香蒜蓉同冬菜
▲西洋菜餃墨魚蝦條粗麵($39)西洋菜餃墨入口皮薄餡靚，多菜少肉。西洋菜混和豬肉既汁係餃子中爆發！墨魚蝦條真材實料而且口感厚實唔油膩，鮮度都好足夠！
▲牛腩粗麵($33)牛腩切得厚度旨恰到好處，帶少少肥肉！
▲黃鱔製作既魚皮（＄15），脆口而唔油膩！
三才魚蛋粉麵
地址：銅鑼灣渣甸坊48號采怡閣地下6號舖
電話：22760672
文字來源：香港人.遊香港／圖片來源：@cook_smurf、@cheongyip、@hsyw、@fionchan514