尖沙咀呢間丼飯專門店，店面小小不過坐得幾寬敞，佢地出品既刺身丼飯配料勁多，可選擇配搭既組合都唔少。一到午lunch time就排哂隊，證明係幾受歡迎！最特別係呢度有款丼，食到喜之次呢種日本名魚，就算係日本食都價值不菲，可見真係好矜貴下！喜之次刺身魚脂厚實肥美，肉質更係鮮味無比。除左刺身丼之外，呢度吉列牛丼同關東煮都一樣好受歡迎！
相關文章：
【大阪風外賣小店！日式刺身+炸物丼飯店！】
【荃灣大熱！香港首間店！牛角副線主燒肉丼】
【東京過江龍！10cm高牛肉丼＋牛肉油丼！】
▲前：喜之次丼（$278）除左名貴既喜之次魚肉之外，再配埋肥美油甘魚、金目鯛，仲有一小舊海膽同松葉蟹肉，鮮味十足！後：海之幸丼（$238）配料包括中拖羅、 韓國海膽、油甘魚、松葉蟹肉、 牡丹蝦、 三文魚及 三文魚籽 ，都好豐富！
▲原條鯛魚丼（$228）所有刺身都係原條新鮮直送！好似呢個原條赤鯛魚就會火炙同刺身兩個做法，保持原條魚形態，好霸氣呀！
▲鵝肝黑松露帶子丼，帶子絕對係大大粒，勁厚肉！每粒極鮮甜美，外層灸燒成微焦外表，食入口感覺軟滑，黑松露醬令帶子柔軟口感提升！鵝肝輕煎後逼出油脂，非常美味！！
▲吉列牛扒丼（$188），吉列牛扒近年係日本興起，顏色呈深粉紅既牛肉嫩滑，外層炸至微脆！
▲關東煮 : 油揚 （$18）； 炸魚餅 （$25）
嵐橋丼飯專門店
地址：尖沙咀棉登徑白蘭軒道2號富峰行地下BCD號舖
電話：22443238
文字來源：香港人.遊香港／圖片來源：@mjqueen7e、@anniefoodology、@kittyctysf、@bigmencanteen、@crystallcheungg