【油麻地限定!海鮮丼專門店「緣起」系列!】

呢間海鮮丼油麻地店,推出日本正月最愛「緣起」海鮮,佢地相信咁樣可以增強新一年運勢。今次店鋪使用豐洲直送既日本三大當造「緣起」海鮮,鯛魚、油甘魚、帆立貝,製作特製3款限定菜色,小編大推海鮮刺身拼盤,有齊呢3款刺身!鯛魚刺身清鮮甜美;油甘魚入口甘香,帆立貝則油份充足,口感飽滿香氣十足!而雜錦海鮮柚子沙律係油麻地店首創,柚子酸酸甜甜好有泰國feel,加上角切刺身,可以配埋新鮮生菜一齊食特別清新!!

▲呢間人氣日本豊洲水産海鮮丼専門店係銅鑼灣同油麻地都有分店,今次呢個「緣起」系列就係油麻地限定!

雜錦海鮮柚子沙律($88)小編實在欣賞師傅既創意!佢用泰式既concept將日式柚子汁加入角切刺身沙律之中,配埋生菜食好清新!

▲「緣起」海鮮刺身拼盤 ($88)油甘魚肉質厚實,入口甘香

▲「緣起」海鮮刺身拼盤 ($88)口感飽滿香氣十足!

▲「緣起」海鮮刺身拼盤 ($88)鯛魚日語發音又與“慶賀”接近,因此經常被作為慶賀用傳統食材!肉身紮實清甜,魚身佈滿美味脂肪,非常可口!

「緣起」海鮮丼($198) 選用刺身基本都係鯛魚、油甘魚、帆立貝,為左加強視覺效果,仲加入甜蝦同吞拿魚!而且同刺身拼盤唔同地方係油甘魚經輕輕灸燒,咁做更能逼出油甘魚油脂!

豊洲水産海鮮丼専門店

地址:九龍油麻地彌敦道 558-560號譽發廣場1樓
訂座電話:2869 6289
營業時間:星期日至四 12:00 ~ 23:00;星期五、六及假期前夕 12:00 ~ 23:30

文字來源: 香港人.遊香港/圖片來源:@chenjie.li、@tasty.target、@ting_jessica、@bubuzbelly、@eatingkk、@awaneats