芫茜控一定要試下呢間位於仔交加里既小食店！估唔到芫茜同章魚燒會夾到？唔止有面頭有芫茜，仲有芫茜醬淋面，章魚肉咬落好彈牙又多汁。一般黎講小丸子都幾大粒，外皮香脆。唔鐘意食芫茜味可以食返傳統口味蟹子，又或者試下冬蔭功、泡菜、芥辣特別口味！
▲雙重芫茜章魚燒🐙（$35）芫茜章魚燒估唔到味道勁Match！面頭有超多芫茜，店主特意仲將芫茜整成醬，茜味濃呀今次！加埋同係綠色既薄檸冰，佢係以薄荷葉同檸檬汁製成，飲落好清新！
▲勁爆蟹子章魚燒（$35）配料有章魚、沙律醬、燒汁同木魚絲，加上超多蟹子口感提升！
▲勁爆蟹子章魚燒（$35）內餡章魚都幾足料！
▲店內亦有賣車仔麵，而且仲係少有地自助order，只要係螢幕上揀心水嘅車仔麵配料就ok！
食字號
地址：灣仔交加里51號保和大廈地下J2號舖
營業時間：星期一至六12:00 – 19:00／星期日全日休息
文字來源: 香港人.遊香港/ 圖片來源：@yantung_pudding0123、@sweetscooop