又有一間本地出色茶飲店！位於太子的「一茶詞」鋪頭細細但面門靚又有打卡位，飲品都一樣出色。小店原創既「烤棉花糖波波茶」賣相可愛，用火槍烤過棉花糖煙煙韌韌，陣陣甜味配埋個錫蘭紅茶做茶底同濃厚奶蓋，甜度岩岩好唔會膩，冬天拎番杯係手真係好幸福啊～仲有其他招牌茶飲例如「火焰焦糖珍珠奶茶」同樣燒出一層薄薄既焦糖係面，夠晒香脆。紫薯控仲可以試埋佢既「特濃紫薯鮮奶」，奶味香濃，仲可以食到紫薯粒，不過對係紫薯控既小編黎講，紫薯味可以再加濃ｄ！
▲招牌茶飲「烤棉花糖波波茶」($32)，棉花糖香甜唔膩，冬天拎番杯係手真係暖入心
▲「特濃紫薯鮮奶」($25) 可以食到一粒粒紫薯，同鮮奶好夾，亦唔會太甜
▲「火焰焦糖珍珠奶茶」($32)，用火槍燒過既焦糖香脆加分，令成杯奶茶更有層次
▲想飲得清新d都可以選擇水果茶，熱情果味、橙香、檸檬香非常夾，茶底亦見出色
▲店鋪細細但裝修明亮清新，仲有幾個位比你邊坐邊等茶飲
▲粉紅光管燈同照片牆就最岩打卡了
一茶詞
地址： 太子太子道西157號別樹華軒地下12號舖
電話：28565399
營業時間：11:00-22:00
圖片及文字來源: 香港人.遊香港、@onetspoon.hk