必食邪惡脆炸流心芝士大燒菇！
新之城呢個地方對於我地呢d老野黎講，簡係少女時代既回憶，買潮流野、影貼紙相。呢間新開既餐廳由一名年青人用心經營，簡約而時尚外觀，餐廳以白色為主調，如果兩三知己閏蜜談心，小編就會推薦呢個包羅萬有既小食拼盤，唔怕選擇困難症發作！
▲小食拼盤 ($78) : 患上嚴重選擇困難既小編，小食拼盤合哂心意！四隻秘製烤醬脆炸雞翼，外皮炸得脆卜卜，上面淋有泰式辣醬；脹卜卜既炸薯角，仲有大德國脆皮豬肉腸
▲而小食拼盤當然係重點係脆炸流心芝士大燒菇，食落的確好重芝士味同煙肉咸香，又滲出好大陣菇味，惹味非常！
▲原隻波士頓龍蝦忌廉蕃茄闊條麵 ($108) : 番茄忌廉汁掛上闊條麵，條麵完全地索晒忌廉蕃茄汁，食落有牛油濃香，而且波士頓龍蝦大大隻好厚肉！
▲特飲粉紅戀人 ($33) : 呢隻粉紅色同餐廳白色主調尤其合襯！
▲煙三文魚沙律 ($49) : 清新、可口既沙律菜、車厘茄、煙三文魚沙律加上意大利油醋，非常開胃。
▲濃厚芝士莞茜炸薯角33呢度係用厚切嘅薯角，外脆內軟，過唔知係叫錯定係整錯，莞茜炸芝士薯角係冇莞茜既！
洛煮意 Kaylaism (已結業)
地址：旺角亞皆老街65號新之城地下G20號舖
營業時間：星期一至日 12:00-23:00
電話：+852 2323 2480
文字來源／圖片來源：香港人.遊香港