又想打邊爐又想食放題？旺角呢間任食店就可以一次過滿足曬你嘅願望！除咗火鍋配料、刺身、燒物、炸物等任食之外，佢仲有「造型火鍋」，倒入熱湯之後，造型湯底會慢慢溶化！造型湯底仲有多款選擇，Book位個陣記住同店員查詢喇！
▲火鍋湯底共有六款選擇，包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣，加$68蚊仲可以揀4格湯底添！造型湯底十分可愛，聽聞仲有唔同造型，好似鴨仔、熊仔、狗仔等，建議Book位時可以問清楚 =]
▲店內有提供多款火鍋配料，好似火鍋配料就有蜆、海蝦、帆立貝同鯪魚滑，如果加錢食中日放題嘅話仲有生蠔、蟶子、東風螺、象拔蚌同墨魚滑選擇添！
▲出面仲有一個火鍋配料自助區，有蔬菜同丸類等配料，食幾多夾幾多！
▲升級嘅日式放題主要分刺身、壽司、炸物、燒物同沙律！刺身有成十幾款，而且仲好新鮮，另外壽司同燒物都好好味，特別係火灸類壽司，必點！呢個升級放題值得加！
飲品方面亦係自取，款式都算多，甜品方面有雪糕同一口甜品可以自取！
| 入座計 | 海鮮火鍋 | 海鮮火鍋+日式放題 |
| 14:30-16:59 | $128 | $178 |
| 17:00-17:59 | $138 | $188 |
| 18:00-20:59 | $158 | $198 |
| 21:00-21:59 | $148 | $188 |
| 22:00後 | $138 | $178 |
注：星期五至日、公眾假期及其前夕加收$10；另設加一
八鍋堂．中日火鍋專門店
地址： 旺角西洋菜街1號兆萬中心3樓301號舖
營業時間： 14:00 – 00:00
電話：2151 2838
文字／圖片來源：香港人.遊香港