超正宗！
10幾年前，去北京食填鴨一定要去全聚德，小編發現呢間新店都有得食，得到前全聚德師傅駐場，開張之前呢間餐廳仲特製風乾櫃同烤鴨爐，每隻燒鴨都用心烤煮，上桌前師傅仲會係食客面前逐片逐片鴨肉切出來。鴨味香淳甘香可口，肉味濃郁。
▲揚州水晶肉($78)呢度使用幼細肉絲取代肥膩既豬皮，外表凍晶瑩剔透，肉鮮可口，點香醋再加d生薑絲，真係唔錯！
▲韭黃炒鱔糊，火候恰到好處，鱔糊煮得幾淋得來又有少少趙口
▲炒年糕，煙韌年糕吸收左醬汁，加上肉絲咸香幾好食！
▲黎到主角填鴨了！小編用友人選擇半隻酒糟烤北京填鴨($$168/半隻)餐廳進口北京鴨隻，1隻都有成兩公斤！經過44小時準備及處理後，仲要放入高溫烤爐烤60分鐘！之後就有師傅出黎表演切填鴨！剛剛拎隻鴨過黎時，其實都有濃濃酒醺香，不過食落又唔係好覺！
▲係欣賞緊師傅切填鴨期間，店員已經上好6款配料，包括青瓜絲、京蔥、京醬，仲有哈蜜瓜、砂糖、秘製蜂蜜黃梅醬。
▲古有庖丁解牛，今有「琴女解鴨」5分鐘就手起刀落地將填鴨切成一片片！師傅仲特意吩咐我地要先食呢個名為「一口酥」既鴨肉精華，果然呢個連皮帶肉肥美酥香，點砂糖或蜂蜜黃梅醬食口感層次有所不同。
▲使用上店家特意訂製既白鴨子盤子裝上鴨肉，又有一份可愛。件件鴨肉大小平。
▲小編最愛用青瓜絲、京醬同哈蜜瓜包鴨肉食，值得一讚既係，麵皮夠薄而帶煙韌，唔容易整穿。
古琴雅苑
地址：灣仔皇后大道東202號QREPlaza19樓
電話：23510528
文字來源：香港人.遊香港／圖片來源：互聯網