盡情為海鮮瘋狂！
打邊爐成日食來食去離不開菜牛豬肉，想烚得盡興，任食的火鍋放題啱曬你。位於尖沙咀一帶，有一間人氣火鍋店以雞煲和海鮮結合成「任食雞煲海鮮肥牛火鍋」，$300蚊有找，完全無限時，任食海鮮每日供應7至10款，安格斯肥牛任食。快D約一班朋友去食，2人或以上會即送原隻龍蝦湯底或花膠雞湯底。
▲任食海鮮種類非常豐富，有海蝦、廣島生蠔、鮮蜆、鯇魚片、鮮魷魚、青口和帶子等，有時候甚至會有瀨尿蝦、鮑魚。限量供應的澳洲拓拓蜆、象拔蚌仔、鮑魚、瀨尿蝦和波士頓龍蝦，要把握時段去食。
▲雞肉大大件，湯底火喉十足，每一件雞肉已吸收湯汁，肉質嫩滑，食入口好香濃的辣味。 怕辣的朋友，可以叫原味。
▲人人邊爐最愛的安格斯牛肉，肥瘦適中，口感不錯，肉質鮮美，愛肉者盡情叫食啦！
各式各樣的火鍋配料一應俱全，其中煙肉豬肉腸和香草豬肉腸，是這間店的老闆特登搵廠商製作， 一定要試下。
同人鍋
收費：
無限時任飲任食：每位$288／小童$228（星期一至四）
限時2.5小時：每位$298／小童$238（星期五至日、公眾假期及其前夕）
＊另加一服務費
地址：尖沙咀山林道29-31號廣利樓1樓及地鋪4
電話：2392 8433
文字來源：香港人.遊香港／圖片來源：pcsychow, foodiepangpang