點食就最抵？
要銅鑼灣食肆林立，淨係燒肉放題數得出都有3、4間！呢間標榜「浜燒」意思係即捕即燒，所以使用上最鮮味既魚獲。除左海鮮，魚生刺身夠多款，食落新鮮，各式沙律熟食選擇多，而且燒肉肉類係老闆娘精心挑選同入貨，咁多野食，點食先最抵，小編同你一一拆解！
攻略一：4人去食最抵！
只要4人book位，like咗 尚鮮日式燒肉漁市場SashiJapanese Facebook Fan Page 同share有關影片即送時令海鮮拼盤！另外，4人同行送龍蝦二食 及任燒珍寶燒蠔！
攻略二：海鮮拼盤樣樣鮮！
▲今次小編到訪，海鮮拼盤非常豐富，當日就有蟹膏甲羅燒、海蝦、扇貝、鮑魚同貴妃蚌。不過店員就話每日都限據街市有咩貨而入，所以包保會食到新鮮貨色！
▲蟹膏甲羅燒，蟹蓋上放了豐滿蟹膏、蟹籽、蟹柳、香蔥同鵪鶉蛋，用爐火將佢烘熟。
▲新鮮鮑魚，小編一放落火爐都仲識郁！以慢火磯燒，肉質仲可以保持柔嫩細滑！
▲扇貝，唔知道海鮮要燒幾耐可以問下店員，小編係店員指導下，燒呢隻超巨型扇貝燒燒得非常嫩滑
▲貴妃蚌，又係超大隻，燒完咬落都爽口非常！
攻略三：必食放題餐點牛仔骨！
呢度既放題肉類已經夠高質，雖然係燒烤材料，尚鮮都對肉類擺盤有堅持！
▲雞肉、單骨雞翼(原味及辣味)、雞臂、豬頸肉及牛仔骨。小編最推薦牛仔骨，肉質有牛油脂香，而且唔會好鞋口，細細塊，小編連續食左幾件！
攻略四：留肚食龍蝦粥！
頭先都講過，4位入座會送龍蝦二食，其中一食係龍蝦、另一食就係用龍蝦頭煲粥！
▲小編有理由相信廚師即劏龍蝦起肉，上枱時觸鬚仲有微微顫動，果然爽口鮮美！
▲食用完龍蝦刺身之後，店員會建議龍蝦頭煮粥，食左咁多肉，有碗暖心粥暖下個胃都唔錯！
攻略五：必食燒生蠔！
小編以為燒生蠔一定係會用好多配料同芝士覆蓋住，味道全失，呢度一於咩都唔落，實行用鮮味搭救。
老闆娘話要搵到合適既生蠔並唔容易，有d貨源唔夠大隻，口感唔好，有d就腥味太重，而呢隻就恰到好處。
攻略六：極高質火灸牛拖羅壽司！
▲黎到店員都首屈一指既「火灸牛拖羅壽司」，一放入口，已經feel到牛油既香，而油脂殘留口腔之中，久久揮之不去。
▲魚生控必試既多款刺身，有三文魚、希靈魚、吞拿魚、八爪魚、油甘魚、北寄貝、甜蝦、玉子等。以一間燒肉放題黎講，款式都叫做多！
攻略七：最後食Mövenpick雪糕！
▲Mövenpick雪糕唔係任食item，不過就人頭就有一個，要差唔多埋單問店員先會比！雖然食左咁多刺身、燒肉已經好飽好飽，但小編覺得呢間尚鮮日式燒肉漁市場性價比真心高，推薦大家黎食！
▲尚鮮日式燒肉漁市場坐得闊落，而且唔覺有好重油煙味，燒住肉傾下計就最適合！
尚鮮日式燒肉漁市場SashiJapanese
地址：銅鑼灣謝斐道496號金利文廣場3樓
營業時間：12:00-00:00
電話： 2117 4267／2117 4268
文字／圖片來源：香港人.遊香港
—————————————————————
相關文章：
【千賀水產·火鍋放題】
【聖誕限定！1++韓牛襲港】