岩哂閏蜜談心！👭
放工想飲下酒relax下，同閏蜜談心💝 又唔駛下下落pub既，想要寧靜既環境傾吐心事？小編今日有好介紹！小編工作地點附近有唔少比人飲野既餐廳，其中呢間Blue Brick Bistro by YOKU MOKU成日都好爆場，今次仲出左呢個「甜之盛宴放題」，無論係咸甜點，樣樣都精緻細膩，除左幾款小食，來自日本既蛋糕卷、仲有紅白酒都係放題黎，算幾抵食！
▲呢個「甜之盛宴放題」($288) 放題貴精不貴多， 樣樣咸甜點都精心炮製。
▲呢個放題其中一個亮點係2小時內仲可以無限量添飲紅白酒！
▲放題小食包括芝士及風乾火腿拼盤🧀、🐟脆炸忌廉芝士魚柳、香烤忌廉芝士蘑菇雞翼🍗、脆炸紫心薯餅🍠、炸雞味雞粒🐥、鮮果盤🍉🍍、芝士及風乾火腿拼盤 選取芝士香而不膩，配合入口清幽既紅白酒，唔同喧賓奪主，而風乾火腿亦唔算太油膩，小口一酌配酒岩岩好！
▲小食黎講，小編最欣賞香烤忌廉芝士蘑菇雞翼最出色，雞翼先釀入忌廉芝士蘑菇，再焗成金黃至微燶狀態，皮香肉嫩，加埋咸香忌廉芝士蘑菇香味非常！
▲脆炸紫心薯餅係另一推介，一切開，紫薯蓉爆滿到湧出嚟！食入口非常綿滑，口感微甜。
▲黎到重點各甜點同南青山蛋糕卷，南青山蛋糕卷有原味、皇室奶茶、抹茶同芒果味，另外仲有法式尚蒂利朱古力蛋糕、經典芝士蛋糕、雜莓牛奶凍同法式焦糖燉蛋
▲小編大推南青山蛋糕卷－抹茶味，抹茶蛋糕質感軟熟，而且綠色既抹茶忌廉非常滑溜，口感冰凍既cream食落有回甘餘韻。皇室奶茶味道都係小編大愛之一，茶味香濃，蛋糕較有彈性但同時又保持鬆軟。
Blue Brick Bistro by YOKU MOKU
地址：灣仔皇后大道東200號利東街地下G35號舖
電話：2865 0355
價錢：$288 (另收加一服務費)
供應時間：星期日至四：18:00—20:00 ；20:15—22:15
星期五至六：20:00—22:00
文字／圖片來源：香港人.遊香港
—————————————————————
相關文章：
【灣仔🎊新張拉麵🍜 🍜 】
【 #銅鑼灣新店！冬瓜卜卜蜆😍】