銅鑼灣美食2023｜KUROMI主題限定拉麵店
Sanrio熱潮繼續延續至今個冬天！今次銅鑼灣人氣拉麵店聯乘Sanrio以Kuromi為主題，將整間拉麵店變成Kuromi主色調少女粉紫色，包括店舖裡裡外外嘅佈置、牆身、店員制服、菜式、餐具到限量精品，客人絕對可以不停打卡！今次菜式繼續有濃郁特製牛奶拉麵，但今次重點推介特製黑咖喱撈麵，除了造型滿分將魚片印上Kuromi面部表情，底層拉麵彈牙爽口，撈埋紫菜碎同微辣清甜黑咖喱汁，十分惹味！另外亦有可愛度爆燈Kuromi頭紫薯味蒸包，成個包暖笠笠冬天食一流！
▲整間拉麵店變成Kuromi主色調少女粉紫色，包括店舖裡裡外外嘅佈置、牆身、店員制服、菜式、餐具到限量精品，客人絕對可以不停打卡！
▲菜式繼續有濃郁特製牛奶拉麵（$98）及特製黑咖喱撈麵（$118），牛奶拉麵使用豬骨味湯底。而特製黑咖喱撈麵除了造型滿分將魚片印上Kuromi面部表情，底層拉麵彈牙爽口，撈埋紫菜碎同微辣清甜黑咖喱汁，十分惹味！
▲小食方面有可愛度爆燈Kuromi頭紫薯味蒸包（$28），成個包暖笠笠冬天食一流，外皮軟熟，入面食香甜紫薯蓉。另外有明太子一口章魚燒（$48），灑上木魚碎同明太子醬，中間一塊Kuromi糖霜曲奇，造型加分！
▲特飲方面有特製蝶豆花啫喱梳打（$38）以及特製荔枝啫喱梳打（$38），上面Kurosmi造型棉花糖、忌廉同星星脆糖，打卡必叫！
「富山拉麵 X KUROMI 」限定拉麵店
地址：香港銅鑼灣希雲街7號地下
日期：2023年12月1日至2024年2月29日
*活動期間不設訂座服務，請walk-in。
圖片來源： @eriediary 、 @ramenirohahk 文字：香港人遊香港