打卡位！
百鳥塔係元朗公園內，紅色7層觀景塔具有中國建築的特色，入面除左底層有多種雀鳥之外，另一亮點就係塔內既藍白樓梯，由上至下望加上天然採光，有唔少情侶都影相打卡，構圖都唔錯！影完相之後，遊人可以登臨塔上，風景開揚，可以飽覽成個元朗市景色，包括屏山、廈村、十八鄉同天水圍，假日有唔少一家大細去行去，但唔講唔知，原來呢度係有一連串既鬼故傳聞！
▲百鳥塔樓高30米，底層的鳥舍面積更佔有85平方米，四周栽植了多種的樹木盆栽植物等，吸引鳥群居住棲息。
▲元朗公園的百鳥塔有30多種雀鳥，總量超出百隻，特別品種當中更以橙腹葉鵯、紅嘴相思最為受大眾。
▲攝影者可在塔上影得到今時今日的元朗地理環境，影靚相餘亦可橫顧整個元朗市。
▲藍白樓梯係大眾愛打卡的位，在視角上及色調上總是無得輸。
▲六角旋渦之中轉變成水滴狀，無論顏色構圖都比一般所影的梯間特別。
▲元朗市鎮公園未興建之前，為一村落「水牛嶺平房區」；再之前於香港日治時期 (1941-45) 曾為亂葬崗、日軍刑場。亦因如此，現時元朗公園一帶，仍流傳不少鬼古。而坊間傳聞，百鳥塔的設計，正有鎮鬼作用。真係信不信由你！
元朗公園百鳥塔
地址：元朗公園北路
開放時間： 07:00–23:00
電話：2473 6511
文字來源：香港人.遊香港／圖片來源：joyceau_mlin michael.chim yukling siujiwalker danielchenkt