呢間位於尖沙咀的餐廳是專賣尼泊爾餃子，餃子即叫即蒸，以蒸籠直接上枱。除了有傳統的雞肉、羊肉餃子外，呢到仲有不少加入了亞洲味道的創新餃子，好似海南雞餃、日式咖喱吉列雞餃、叉燒餃等。當中海南雞餃橙白雙色餃皮色彩鮮艷，餃子餡有雞肉、油飯配埋薑蔥蓉真係好有海南雞飯既味道。另一日式咖喱吉列雞餃炸至香脆，餡料有咖喱和雞肉再沾咖喱醬夠晒惹味。除了餃子仲有另一代表蛋卷，當中醬汁炸蝦尼泊爾蛋卷，甜蝦炸到脆口配自家醬汁和雞蛋包成卷物，酸酸甜甜好開胃。
▲所有顏色餃皮都由天然食材，好似紅菜頭、波菜等製成。而且由餃皮、餡料、醬料都自家製造。
▲海南雞餃，橙白雙色餃子餡有雞肉、油飯配埋薑蔥蓉真係好有海南雞飯既味道。
▲日式咖喱吉列雞餃，炸至外層香脆，內裏有咖喱和雞肉餡再沾上咖喱醬同食，味道濃郁。
▲火辣羊肉餃(紅色餃皮)，餡料羊肉味香濃，而且都幾辣。
▲羊肉叉燒餃(紫色餃皮)，羊肉用了港式叉燒醬醃製，羊味重但又食到叉燒醬的甜甜地。配綠色薄荷醬可增加清新口感。
▲意大利芝士火鍋餃(黃白色餃皮)，餡料係芝士麵包，沾上芝士醬夠惹味。
▲醬汁炸蝦尼泊爾蛋卷，甜蝦炸到脆口配自家醬汁和雞蛋包成卷物，酸酸甜甜好開胃。
▲牛油咖喱雞卷，以印度名物牛油咖喱雞加雞蛋一起卷，味道濃郁又夠香。
▲House Lemonade(右)，檸檬薄荷葉加上梳打水夠清新。Hot Virgin Chili Mojito(左)，雖然入口只有微微的辣椒味，但飲後胃部會感覺到有股暖氣包圍，都幾過癮。
Momoz
地址：尖沙咀赫德道1-3號地舖
電話：3752-2670
營業時間：星期二至四、日：11:00-22:00（星期一休息)
星期五及六：11:00-02:00
文字/圖片：香港人遊香港