![](https://www.hkppltravel.com/wp-content/uploads/2020/10/19-2100-cover-1024x681.jpg)
相信大家都食過出面買嘅Tiramisu,不如今次試下自己整啦~新手想整蛋糕滿足下自己?無問題,跟住條片一齊整,最梗要係簡單!易整!免焗!整完又可以擺上IG打卡呃Like,真係話都無咁易!抹茶控趕快動手試試!
材料:
1.餅乾 150g
2.抹茶粉 適量
3.忌廉芝士 200克
4.香草冰淇淋 150克
5.砂糖 50克
![](https://www.hkppltravel.com/wp-content/uploads/2020/10/biscuit155g.jpg)
▲步驟一:用玻璃瓶身或木棍敲碎餅乾,放置一旁備用。
![](https://www.hkppltravel.com/wp-content/uploads/2020/10/matchapoweder.jpg)
▲步驟二:準備適量抹茶粉(根據個人喜好添加),落適量滾水攪拌均勻!
![](https://www.hkppltravel.com/wp-content/uploads/2020/10/200gcreamcheese.jpg)
▲步驟三:用個大啲嘅碗裝住忌廉芝士,按順序添加雲呢拿雪糕和砂糖,三種材料攪拌均勻!
![](https://www.hkppltravel.com/wp-content/uploads/2020/10/將抹茶淋再餅乾上.jpg)
▲步驟四:將頭先(步驟二)綠茶和滾水混合物淋起餅乾碎面頭!
![](https://www.hkppltravel.com/wp-content/uploads/2020/10/put-cream-on-top.jpg)
▲步驟五:將頭先(步驟三)嘅三種材料淋上面頭,注意切勿與上一個步驟掉亂!
![](https://www.hkppltravel.com/wp-content/uploads/2020/10/decora-.jpg)
▲步驟六:完成後合上蓋子,擺入雪櫃3~4小時後就可以拎出嚟!然後撒上抹茶粉做裝飾!
![](https://www.hkppltravel.com/wp-content/uploads/2020/10/matcha-tiramisu.jpg)
▲大公告成!各位係咪好簡單呢?雪櫃拎出嚟梗係要擺番個靚靚造型擺上網呃Like!
文字來源:香港人遊香港