今次介紹呢間手工啤酒專門店提供超過20款本地同埋國外手工啤酒，除左係一間酒吧之外，呢度亦係一間西餐廳，餐牌上有多款小食及主菜提供，絕對可以比客人先填飽個肚，再同朋友飲酒談心。順帶一提呢間會不定時轉下唔同品種既手工啤酒，分分鐘隨時黎到會有驚喜，可以試到一啲特別口味。另外，店員對酒既種類好熟識，當客人揀唔到飲邊款酒時，不妨問下有咩推介，店員都會一一詳細介紹，所以喜歡飲手工啤酒既你地，又點可以唔黎幫襯呢？
係抗疾期間為左減少有人群聚集，酒吧推出左外賣啤酒服務，會Call VAN仔送上門比客人，可以隨時隨地滿足到一啲唔想出街但又想飲酒晚客人。每次啤酒入膠樽時都會用CO2將空氣揼出，令到空氣入唔到樽內，所以可以擺放到一星期都不影響品質。
▲ 香濃芝士牛油果脆脆($118): 新鮮炸出嚟熱辣辣既玉米片非常好味， 可以配埋牛油果醬或香濃芝士醬，就算配醬食咬落去都十分香脆，同埋好開胃。
▲芝士蟹肉釀磨菇($108):蘑菇上面釀咗鮮味蟹肉， 面頭再舖上大量溶咗嘅芝士，望到都令人流口水。
▲ 芝士煙肉安格斯牛肉堡($148): 呢度既漢堡包皮烘到好脆，中間夾左兩層安格斯牛漢堡肉，咬落去啲肉汁流晒出黎，中間仲夾埋煙肉、芝士、番茄、爽脆生菜，口感非常之豐富，配啤酒又係一流。
▲ 慢煮煙燻燒烤豬肋條($208): 慢煮可以令到肉質纖維係保持肉汁既情況下軟化，配埋燒烤醬同煙燻既香味，食落去十分有口感，份量仲大到可以兩至三個人一齊share食。
▲ 酒漿炸魚薯條($138): 魚條係用左新鮮嘅手工啤酒去開漿炸，皮薄得來又脆，配埋幼薯條，一路飲啤酒一路食呢道菜真係好夾。
▲ 酥炸邪惡芝士釀墨西哥辣椒($108): 炸墨西哥辣椒黎，食落去唔辣，咬落去嗰陣時仲有啲芝士流出黎，口感十分豐富。
▲ 呢度超過20款啤酒可以比客人揀，仲會有塊板寫埋邊種酒由咩地方生產、酒精濃度，方便客人選擇自己想飲的啤酒。
Tipsy Tap
地址: 尖沙咀柯士甸路5號地舖
營業時間:星期一至四17:00 – 01:00/星期五至六17:00 – 03:00/星期日17:00 – 01:00
電話: 68829840
文字來源：香港人遊香港 / 圖片來源： 香港人遊香港 、 @mic.m.h、@julia.tsui