好多朋友因疫情比人cut鐘、扣假又或者扣人工，為左避疫同慳錢，唯有宅在家打機！不過各位動森達人機會黎喇，繼上次打機平台出萬三蚊請專員打動森之後，香港食品公司－美味棧亦出post請動森遊戲專員，薪金2萬蚊起，仲可以係屋企返工，幫手係《動物森友會》建立自己食品王國，短期工黎講，都算係份筍工黎～
▲近年宣傳一向都好貼近潮流，今次又有新搞作！就係佢地打算係《動物森友會》建立自己既島，仲會聘請遊戲專員！
▲今次遊戲專員職責係31日內建立「美味棧」專屬島，對於各位動森達人黎講，簡直完全冇問題。
▲美味棧會借出 Switch 主機為期1個月，令受聘者可以安在家中工作。
見工攻略
▲雖然只係1個月短期工，但係薪金同返工地點都好吸引，即刻睇下點先可以受聘先～
▲招募將包括 2 階段，第1個階段申請者要send CV 連同動森portfolio作品，以原島嶼原創性、創新及創意、色彩運用、 構圖設計及佈局篩選
第2階段會邀請電話或即場面試，了解應徵者概念及想法，大家去到呢個階段，不妨分享多d你打算點為美味棧建立一個無人島！
《集合啦！動物森友會》遊戲專員（1名）
薪酬： 港幣2萬元起
職責： 建立「美味棧」或「悠美」專屬島 (31日內)
要求： 有創意、 具藝術技巧、《動物森友會》遊戲經驗鐘數達到100小時或以上
福利： 在家工作、每星期只需報告3次 (除第一星期外)
有意應徵嘅朋友，歡迎電郵提供個人資料、簡介及《集合啦！動物森友會》作品至 [email protected]，等你地呀！！！
註1: 公司會借出switch一部
註2: 電郵Title標明「應徵美味棧遊戲專員」
註3: 申請人所提供嘅資料將予保密及只作招聘用途
文字來源：香港人遊香港