遊戲界IT達人Ninji跟據遊戲後台既程式碼，預告《動物森友會》將有多個更新，有部份已經係地球日、勞動節、博物館日呢一輪活動實現左。根據紀錄，佢神預言左地球日活動更新既灌木種植及博物館日狐狸奸商賣贗品，不過仲有多項更新作出多次移除及更改，未到官方宣佈都唔知道黎緊有d咩驚喜，以下係小編整理未更新而又未官宣既重點。
1.博物館新增2個獨立建築物？
Ninji大佬預告博物館即將會興建多兩幢獨立建築物，相信係商店、博物館咖啡廳「鴿子之巢 (The Roost Cafe)」，另外，程式碼似乎亦會提到日本陶器Haniwa (另稱Gyroid) 相關字眼，相信博物館館藏量亦會增加。
2. 大頭菜以外新增種植蔬菜？
《動物森友會》係一個模仿人類生活既RPG遊戲，點可以淨係得大頭菜種，根據分析，有可能會新增可種植更多蔬菜如番茄、小麥、甘蔗、馬鈴薯、胡蘿蔔、南瓜等。
3.開放潛水功能捉魚？
更新後玩家可用潛水功能可以獲得海鮮、海藻，目前存檔文件生物目錄中的「海洋生物」，對應33個項目，目前實裝只有蛤蜊，相信較後時間會有更多更新。
4.狸克商店有第三次升級？
狸克商店會有第3次update，不過暫時未有更新條件。另外程式碼中發現「cGardening」、「cMuseum」、「cRealEstate」及「cGallery」4個代碼，可能係以Nook哩數兌換相關物品，即係話有更多物品及道具會更新。
5. 加入烹飪DIY？
Ninji係統計信息用既程式碼入面發現3項更新包括：「get_recipe_diy」、「get_recipe_clothing」，「get_recipe_cooking」，意味著有機會可以係島上烹調料理美食！
文字整理：香港人遊香港