LV係名牌中既龍頭，其出品皮具衣服並非人人負擔得起，不過最近網上瘋傳一部LV經典圖案鬆餅機，以經典LV Monogram花紋作為圖案，烤出來鬆餅食落去都係名牌既上流味道，唔知係唔係特別好食呢？呢個原來係來自產品設計師Andrew Lewicki，以諷刺意味裝置作品走紅，開發左個Louis Vuitton Waffle Maker，以品牌及生活用品結合，不過據了解呢個作品係非賣品，想要既朋友可能要失望了。
▲其實Louis Vuitton Waffle Maker係幾年前既作品，被翻出黎估計係大家居家抗疫太悶，同埋不斷係屋企發掘新奇料理，搵食譜時翻出黎。
▲Louis Vuitton 經典圖案花紋都做得好細緻，鬆餅會有LV以及四葉草Monogram。
▲鬆餅兩邊都有LV圖案！
▲呢個產品都係設計師精心參考LV圖案而成，完全冇諗到咁大回響。
▲做出黎鬆餅真心有貴氣！
▲既然大家對呢個鬆餅機咁有興趣，不如集氣希望Louis Vuitton 真係出品！
文字來源：香港人遊香港 / 圖片來源：pinterest