作為番茄湯控，對呢個超濃郁番茄湯底真係零抵制力！原本開係深水埗既番茄專門店湯麵，番茄湯底用左牛骨同牛腩去煲，濃稠且鮮牛味十足！疫市期間反而大開分店，選擇左元朗，不過呢位腦細似乎低估左元朗牛既威力，周六日已預備200斤番茄，但未入黑都已經用哂！黎呢度牛魔一定要食犇犇有禮，有大大件牛面頰、牛坑腩、崩沙腩做配料，爽彈有咬口，識食一定要加多隻滑蛋，同番茄超夾，最後就一定連湯底都飲乾淨啊！
▲犇犇有禮（$78）有大大件牛坑腩、崩沙腩、牛面頰肉，真材實料，牛味十足！
▲滑一滑蕃茄濃湯烏冬，店家專心一意做好番茄湯底，分店一開再開，最近開到元朗國，引來更多新Fans支持！
▲騸牧牛比一般冰鮮牛更有肥美香滑，再配埋滑蛋就一流！
▲一貝子（$68）海鮮同蕃茄湯底都一樣夾，有多隻花甲同大大粒帶子做配料，認真足料！
▲豚豚圓圓（$58）除左牛牛仲有豬可以選擇，豬腩肉同豬頸肉亦算肥美
▲麵底除左上海麵，仲可以選米線、拉麵或烏冬，食完個麵記得飲埋個湯底唔好浪費啊！
▲小店仲有自家製既飲品，檸檬雪梨露、桂圓紅涼桑寄生茶等，誠意十足
▲ 店家每日準備200斤番茄，但未入黑番茄已經用完，要到街市補貨。
番茄師兄 – 元朗新店
地址：元朗擊壤路9號金寶大廈地下4號舖
電話：36151062