依家全球留家抗疫，名店時尚手袋時裝就算有錢都無心購買。最近有唔少美妝品牌好似LVMH、Bvlgari 將生產線轉為消毒洗手液。而Dior除左生產樽裝消毒洗手液之外，最近仲Dior 童裝的生產線改為生產口罩，希望支援前線人員抗疫工作，而成品個樣不失簡約奢華風，以純白色口罩面搭上黑色綁繩，消息一出好多網民都想要2盒Thanks！
▲早前 Dior 出產樽裝消毒洗手液，消息一出大獲網民讚好！
▲生產口罩生產線本來生產 Dior 童裝，臨時改為生產口罩，參與生產員工都係自願性質。
Dior口罩生產線係全人手製作，有網民質疑製作口罩職員並未戴上手套，而Dior 亦回應為左保持最佳生產結果，決定唔用手套操作機械。
▲Dior所有工作人員都嚴格執行同遵守消毒程序。
▲Dior 生產口罩冇多餘設計，模樣係以純白色搭上黑色綁繩，簡約設計加入品牌的風格，同時減低製作的時間。
▲相信Dior 口罩會優先供貨比前線醫護，未必有得係市場發售。
文字來源：香港人遊香港 / 圖片來源：@dior