支持南山邨小店！用幾蚊買杯雪糕彷彿已經係世紀前既事，南山邨C+屋仲係用緊6,7蚊親民價錢賣雪糕，而且雪糕仲有唔少味道，一共有28種味。小編當日就試左榴槤
、豆腐同柚子，全部都入口質感幼滑。榴槤唔算太甜，濃郁榴槤香仍然環繞喺口腔中。豆腐口味清新自然，亦隱約食到香濃豆香，而柚子則係重點推介，柚子雪糕唔難發現有果肉，好似食緊柚子茶＋奶咁，口感一流！
▲圖左:豆腐味雪糕 圖右:榴槤味雪糕
▲柚子雪糕: 大大粒果肉粒, 堅野黎架!>
▲舖位唔難搵, 影相打卡是常識吧?
C+屋
地址：石硤尾大坑東道111號南山邨南豐平台商場
營業時間：中午12至晚上7時（星期日休息）
文字來源：香港人.遊香港／圖片來源：香港人.遊香港