唔少朋友仔趁「避炎」期間都會親親大自然，搞到郊外仲多人過旺角，於山野露營都係其中一個選擇。不過準備露營往往都要花好多心思，特別係煮食方面，點樣用簡單露營煮食器具而食得有霸氣，菜式永遠係最難諗。大家不妨參考一下呢間新開以camping為主題既小店，話唔定食完可以inspirie到你露營菜式呢！好似鍋煮野米飯咁，將野米、珍珠米混和煮成一鍋飯加雞、西班牙香腸或素菜配料，又健康又清淡！另外，店內亦有售賣露營專用杯子及咖啡濾壺，款式都好instagram-able，食野時睇中邊款杯都可以買黎下次露營使用。
▲ 鍋煮野米飯（$188）呢間cafe主打重現露營霸氣美食，因此Dutch Oven、露營杯老是常出現！呢個野米飯其實露營都煮到，混合左野米、珍珠米，加上自選配料如雞肉、西班牙香腸或素菜等，食落清淡又健康！
▲ 即燒美國大肉蟹配海膽麵豉醬（$128）cafe亦會選用用永續食材，其中火焰北美肉蟹，加入海膽麵豉醬、鹹蛋黃，真係食得霸氣！
▲ 英式早餐（$118），燶邊太陽雞蛋、蕃茄、火腿、煙肉、大啡菇、茄汁焗豆、薯餅。烤焗切厚薯餅口感特別。
▲ 營火朱古力棉花糖夾餅，棉花糖係BBQ必備，一客有7粒棉花糖，上枱時會提供Rum酒然後燃燒點火，大家就可以將棉花糖於至半溶，配上朱古力醬、餅乾一齊食！
▲ 露營主題點少得健康元素呢？Acai Fruit bowl（$98）係一款來自巴西甜品。 主要材料是冰鎮、巴西莓，加上蜜糖、yogurt，個base顏色呈夢幻紫色，Toppings 有士多啤梨、藍莓等。不過自己整既話呢款露營食品就較適合係有Blender 既露營車食用喇！
▲ 熱朱古力杯邊加上可可脆脆，熱朱古力飲料上面打有豐盈奶泡，加埋棉花糖。
CAMPSITE
地址：鰂魚涌英皇道728號K11 ATELIER地下G05號舖
電話：37058248
營業時間：09:00 – 22:00
文字來源：香港人遊香港 / 圖片來源：@foodie.abcdave、@foodie_elegant、@campsite_hk