中上環咖啡小店林林總總，呢間位於上環一條後巷、一所公廁的後面。港式懷舊冰室氣氛cafe帶點高檔同玩味裝潢，室內設計有懷舊冰室風味既階磚地、摺檯、紅色膠吊燈，餐廳只有十多個座位。叉燒炒蛋飯、常餐雖然係冰室常見餐點都係店主推介，另外店主仲推巨型牛油果醬魚柳芝士菠蘿包，大大份，估唔到西式既牛油果、魚柳同港式菠蘿包真係好夾！如果你係學生，可以表明身份就會有半價優惠！
▲午餐牛油果醬魚柳芝士菠蘿包（$68）巨型菠蘿包夾住豐富材料，中間夾有牛油果、大大件炸魚柳加上一整片芝士。
▲所有西式茶、咖啡都用中式公雞碗盛載，係復古冰室飲著一杯latte別一番風味！
▲午餐叉燒炒蛋飯（＄48）。 炒蛋加上邪惡叉燒，加上甜醬油送食飯一流。
▲All day breakfast－煙三文魚牛油果配牛角包($58)，煙三文魚、粟米、黑醋沙律、車厘茄、牛角包
▲經典常餐H1 – 叉燒意粉常餐（$44）蜜汁叉燒都係大大件，湯底係粟米忌廉湯，好港式！跟餐仲有半塊多士、火腿同炒蛋 ！
▲呢個茶餐廳mix cafe中西合壁，紅色膠吊燈配搭綠色格仔既地板
▲好有懷舊茶餐廳feel
▲牆上掛上萬年曆，好有屋村feel
茶咖宅
地址：上環四方街24號地舖
電話：57198131
營業時間：星期一休息 / 星期二至日09:00 – 18:00
文字來源：香港人遊香港／圖片來源：@sandy__mok、@beans.2.go、@williamkwankh、@alicefromhongkong