記得幫襯之前留意下鋪頭既FACEBOOK睇下有咩食物已經售罄，免得去到時失望，不過除左主菜之外，呢度既甜品加咖啡都值得推介比大家嫁!鋪頭裝修主要行工業風格，門口牆身係水泥牆，有個霓虹燈店鋪「革」字LOGO掛係門口上面，經過望到都幾搶焦點嫁! 鋪頭雖然細細間，但係係菜式方面都落足心機嫁! 提供既種類款式好多，分別有供應沙律、全日早餐、多士、意粉、蛋糕、特式咖啡、沙冰等。
▲經典卡邦尼意粉($90): 呢個意粉好出色!意粉係用粗身果款，食落去好有咬口。另外醬汁分量都足夠，配料仲加埋蛋黃、芝士碎、同埋香脆煙肉，絕對係一個飽肚既意粉。
▲63.5度慢煮班尼迪蛋伴煙三文魚牛油果($98): 包身係用Bagel 做底，隻蛋做到好流心，咬一啖蛋黃就會湧晒出黎，而且牛油果同埋三文魚份量都好多，一個人食絕對飽肚!
▲青醬北海道帆立貝風乾蕃茄意粉($105): 呢個意粉食落較為濃味，因為有時青醬意粉係出面餐廳食到既味得好淡，而帆立貝都大大粒。
▲自家制紅絲絨蛋糕($40): 蛋糕全自家製既，食落去唔算好甜好流! 蛋糕層次分明，用左忌廉、朱古力作三層隔開，仲鋪左玫瑰花乾碎。
▲鋪頭咖啡吧果度會擺放數款咖啡豆比客人聞下，同埋擺左店主曾經得到既咖啡獎項添。開放式既沖咖啡地方仲可以令到客人睇住自己杯咖啡既沖製過程!
Cafe REVOL
地址:佐敦德成街4-16號富裕臺地下5號舖
營業時間:星期一至六08:00 – 19:00、星期日09:00 – 18:00
電話:37020170
文字來源：香港人.遊香港／圖片來源：@lalabananafooood、@yingmanha、@lainga123、@strophotos