呢間位於尖沙咀既人氣小店，主打潮州粉麵，唔但止吸引左一大班潮州鄉里黎尋找家鄉既味道，早係6月時於社會事件表態，仲吸引左班年青人黎「懲罰」佢，舖頭難得地有著清新脫俗既裝潢，食物就依足潮州極濃傳統風味粉麵，一入鋪頭未食先聞其一股誘人肉香，一定要食呢度特級牛丸王，大大粒就不在話下，新鮮而質感彈牙，肉汁豐盈，真係食到《食神》既瀨尿牛丸感覺！
▲特級牛丸王米粉 （$55）大大粒既牛丸係由特殊工藝同配方精心研製而成
▲牛丸王的確好乒乓球咁大粒！猴口彈牙，牛肉紋理分明
▲炸牛丸（$28）用油炸方式更令牛丸牛肉汁鎖住，食落更香口！
▲除左牛肉選擇，都仲有豬腩肉呢d選擇！唔食牛既都可以幫襯！
▲自家牛三鮮粗麵（$58）包括牛腩、牛筋、牛肚，牛腩油筋少而肉多，牛筋口感爽滑酥香，牛肚亦好有風味
▲自家牛三鮮撈麵（$65）包括牛腩、牛筋、牛肚，撈粗麵掛汁，相當惹味！
▲自家牛三鮮飯（$60）唔鏗意食粉麵既朋友，可以選擇較飽肚既米飯。
▲烤丸拼盤（＄68）一次過食到炸牛丸、魚蛋、墨魚丸、豬肉丸
潮丸
地址：尖沙咀金馬倫道21C號地舖
電話：25119238
文字來源：香港人遊香港、圖片來源：@kwpending220、＠mkkevin、＠kongpig_foodie、＠jennyfood_diary、＠navyfoodie