呢間係間以日式清吧做主題，有好多款唔同既威示忌、清酒、啤酒，店主每個星期都會輪流擺放唔同牌子既清酒、啤酒，每次黎都有唔同驚喜！雖然佢地係一間酒吧，但係亦提供唔少熟食好似有枝豆小食、明太子沙律、黃金魷魚呢d小食。不過講到飲酒最佳配搭，都係呢度即叫即燒既串燒，店主仲不斷研究新菜式，有客人仲一次過order 好多份芝士蟹膏甲羅燒慢慢食，可見小店其用心製作。另一方面，小店多次參加社會運罷市，以及係店內貼上大型文宣，引來唔少網民去罰佢地！
▲店主以酒會友，會引入唔同品牌清酒、啤酒比大家選擇，個個星期都有機會唔同
▲閒時同朋友黎呢度飲酒吹水，可以暢所欲言！
▲呢度串燒係即叫即燒，串燒一口牛（$48）; 串燒一口無骨雞翼（$48）; 蒲燒鰻魚串（$28）
▲串燒一口牛（$48）口齒留香十分回味; 串燒一口無骨雞翼（$48）啖啖肉
▲椒鹽粟米
▲芝士蟹膏甲羅燒（$78）係幾層蟹膏、蟹腳肉上鋪滿一層厚厚的芝士，要焗幾分鐘，食落仲拉出長長拉絲
▲肥媽有話兒芝屎燒蠔（$58）Menu期間限定，唔係成日有架！
▲店內有香港加油既字樣，成為必影打卡牆！
▲街坊送上大型文宣，小店隨即張貼！
和吧
地址：大角咀杉樹街3-11號德安樓地下2號舖
文字來源：香港人遊香港／圖片來源：@wo_bar、@joeypong、@c_honxd