呢間日式餐廳，除左有卡通主題crossover之外，lunch 都有正野推介！佢地全新推出左火山石燒，實行晏晝都有得食石燒套餐！今次選用自黑安格斯牛，食落香嫩多汁、味道鲜美，牛肉味道濃郁回甘，所以食落柔嫩非常！呢個限定套餐只限午市，一個價錢包埋味噌湯、沙律、日本米飯，而佢地選擇有3個部位，包括黑安格斯牛肋肉、黑安格斯肩胛小排、黑安格斯紐約客，肉食控就唔好錯過足400克既重量級黑安格斯紐約客喇！如果大家屬牛 / 金牛座 又或者姓名有「牛」字就有優惠架喇！
▲石燒牛係原產地直送，一黎到已經係店鋪外既雪櫃排列好。
▲石燒牛lunch set 包括味噌湯、沙律、日本米飯，仲會有泡菜、馬鈴薯呢d配菜。
▲黑安格斯肩胛小排（$128/200g），呢個Set特別使用溫度高達300°C火山石，令牛扒能均勻受熱。入門級可以食呢個肩胛小排，外表燒得焦香，牛肉入口即溶。
▲重量級黑安格斯紐約客 （$268/400g）（400g）呢個肉食控必點！採自牛既前腰脊部，大理石油花分布均匀。
▲重量級黑安格斯紐約客肉質柔軟，適合生少少，唔好太熟。不過大家都可以自行調節生熟度。
丸十あぶり牧場
地址：旺角太子道西192號旺角新世紀廣場3樓342D舖
營業時間：12:00 – 22:30
優惠： 屬牛 / 金牛座 可享9折； 屬牛 + 金牛座 可享85折； 屬牛 + 金牛座 + 姓名有「牛」字，即享半價。
文字／圖片來源：香港人遊香港