每年大棠紅葉轉紅時，都有好多行山人士、攝友甚至係打卡友蜂擁而至。因為呢度係全港最大最靚既楓香林，近日已經變左橙紅色楓葉影相送果真係超靚！為左加強樹林既保育，今年同以往一樣，會係楓香林現場進行定點導賞、相片展覽同攤位遊戲，等大家影相打卡之餘，仲學到知識返屋企！而為左唔好影響到元朗大棠居民交通，當局已安排假日特別港鐵巴士車次，點對點接載賞楓既行山人士，亦希望大家前往時間，盡量乘搭交通工具，以免令道路擠塞。
▲近日大棠楓香林已轉紅，好多遊人都黎呢度打卡，不過留意返楓香林位置其實係有少少行山徑，落左車之後都要行30－40分鐘，大家就要注意穿著運動或輕便衣著較佳。
▲楓樹既顏色分為A/B/C/D級，漁農處網頁每星期五就更新一次，最新錄得B級，即係話樹葉已由黃轉紅，相信呢幾日更會轉成A級！
▲好多攝友都帶哂長鏡影靚葉！
▲仲有唔少人會帶埋狗狗前往！
▲大家記得自己垃圾自己帶走！不過紅葉就屬於大自然既，影完相就唔好帶走喇！
楓香林＠大棠山道
地址：大棠山道
交通資訊：於元朗乘港鐵巴士K66號或紅色小巴，在大棠山道巴士總站下車並沿車路步行上山約60分鐘到達楓香林。
特別交通安排
❗️九巴於2019年12月25、26、29日，及2020年1月1日將安排特別巴士路線68R來往元朗形點交通交匯處至大棠山道，服務時間為上午8:30（元朗開出）至下午6:30（大棠開出）。
❗️港鐵巴士於2019年12月14日至2020年1月19日期間，逢星期六、日及公眾假期，將安排路線K66不停站特別班次來往朗屏站至大棠山道（港鐵熱線：2881 8888）
❗️2019年12月7日至2020年1月12日逢週六、日和公眾假期，由上午7時至晚上7時，運輸署將在元朗大棠山道和僑興路交界以東約475米處起至大棠山道停車場，實施交通管制措施。屆時，警方將視乎交通及人群情況，實施封路、改道或交通管制措施。有關措施可能影響前往大欖郊野公園的人士。
其它注意事項：
❗️人多互讓，注意安全，特別注意行車道上的車輛/單車。
❗️請勿採摘或踐踏植物，共享自然美景。
❗️保持郊野清潔人人有責，楓香林沿路不設垃圾桶，自己垃圾自己帶走
❗️請盡量使用公共交通前往
文字來源：香港人遊香港 ／圖片來源：@minifat0102、@johnaukk、＠mankit2106、＠everyday.oreo