呢間café比屯門同區餐廳外觀sharp醒好多，裝修大玩顏色藝術，加上四處花花草草擺設，有如置身於泰國清邁小區。小編午間到訪，陽光在粉紅色、橙色鐵枝窗花之間滲入，更加一份傭懶感。小編與友人share All day breakfast同黑松露蘑菇天使麵。All day breakfast賣相精美，一份全日早餐都幾大大份，有齊滑蛋、薯餅、鬆餅、沙律菜，其中炒蛋又滑又有蛋香，唔會太重味，係打卡必點！
▲每個brunch都附上蘑菇湯及沙律，蘑菇湯菇蓉香濃十足，足料好喝入口啖啖蘑菇。
▲All day breakfast($138)：色彩繽紛既擺盤包括滑蛋、薯餅、鬆餅、沙律菜、茄汁豆、煙肉、香腸、芝士片、蕃茄同奇亞籽乳酪。
▲呢間café除左著重藝術之外，同時都好關注食客健康，加入奇亞籽呢種super food做All day breakfast其中一員真係好少見，奇亞籽纖維含量高及Omega-3，營養價值極高。
▲黑松露蘑菇天使麵($168)：黑松露菌味勁濃，天使麵軟硬適中，麵亦平均掛上醬汁，加上幾片芝士，真係好香。
▲呢款原隻燒春雞名叫「真係米收埋隻雞」($218) 肉質好嫩好好食，外皮烤得香脆，內裡肉質亦能保持嫩滑，包住細細粒既飯，加埋佢地幼滑既黑松露忌廉汁好正！
▲新產品桂花Latte，另外仲有一系列主打花系咖啡
▲店主喺世界各地帶黎唔同嘅特色擺設、亦購買大量綠色植物做裝飾
▲初次知道呢間店名以為係中式點心店，原來係間咁有feel既文青café，雖然價格較貴，但勝在夠隱世，裝修陳設有品味，色彩搭配令大家進入快樂既氛圍。裝修到如詩如畫嘅聚福樓真係每一個角落都喺影相位。
聚福樓
地址：屯門青善街28號康景花園地下1號舖
電話：9751 3386/ 2362 6968
文字／圖片來源：香港人.遊香港、聚福樓