早前呢間糯米糍糖水小店滑嘟嘟結業，引黎唔少街坊朋友再懷緬下，仲以為以後冇得食。原來早係上年7月既時間，佢地已經搬左入大埔墟街市熟食中心，本著良知做小食甜品，唔會因為想慳成本而比少d材料，質素咁多年都保持住！小店製作既客家糍粑，即係等於糯米糍，新鮮製作特別好食，排隊買果時就會見到成個製作過程，拉薄糯米皮、放入大量花生、芝麻餡料，隻隻圓碌碌大大隻！
▲客家糍粑即場製作，傳聞以前既客家人宴客因怕客人唔夠飽，會將剩飯整成糍粑，當作餐前小食！呢間小店製作出色，多年來有唔少街坊追捧。
▲花生黑芝麻糯米糍（$7/件、$18/3件、$35/6件）每人最多購買12件
▲糯米皮係即日係店鋪自己蒸，質感綿滑軟腍、食落都幾有彈性！一咬有爆餡之感，裡面有黑芝麻、花生同糖
▲芝麻糊（＄17）都非常出色，芝麻糊香滑濃稠，生磨芝麻糊仲食得到芝麻既香濃，食落甜而不膩！
▲糖水都係用外賣碗裝，大家堂食又得，拎過屋企食亦得！
▲新店比較寬敞，客人食得舒適d！呢間店老闆勁有心，多次表明支持年輕人同推出學生優惠！
滑嘟嘟
地址：大埔墟街市熟食中心二樓CFS29
電話：9172 9433
營業時間：星期二至五 10am-8pm、星期六至日 10am-9pm、星期一休息
文字來源：香港人遊香港／圖片來源：@eathealthily_hk、@onlima1109、@the.pauline.ma