呢度砵仔糕係自家製作，紅豆係多到一個點，豆香濃郁！砵仔糕糕底優質黃糖製作，食落煙煙韌韌而帶稔身，加上綿密紅豆，食落有起沙之感，口感非常豐富！由於係家庭式製作，出品數量唔會係量產，所以好快就賣哂！除左多豆砵仔糕，亦同時照顧唔食豆既朋友仔，推出走豆砵仔糕，一樣咁香甜好味！其它小食好似魚蛋、腸粉都係街坊平日經過會買既，小店令人感覺相當親民！
▲多豆砵仔糕($4)：名副其實真係有密密麻麻紅豆，而且聞落黃糖香甜，質地幼滑又唔黏口！
▲做傳統缽仔糕其實最難，紅豆先會香，真係啖啖都有紅豆架！
▲無豆砵仔糕就更能食出黃糖既幽香，食落口感煙韌唔會好單調。
▲咖喱魚蛋彈牙有魚味，腸粉係由本地腸粉廠老字號梁林記取貨，煙韌而米香。
▲就算係晚上都真係好多客
斗來香
地址：筲箕灣筲箕灣道360A天悅廣場旁邊
文字來源：香港人遊香港 / 圖片來源：@junericee、@billymakmak、@bubuzbelly、@ooomyfood、@charlescvl