中環要食得平靚正又就腳，通常都唔係大雅之堂，而係流水作業式既食店，呢間位於中環鐵行里，小巷之間既一間越南野小食，店鋪細細所以堂食位唔多，好多人都會打電話黎叫外賣，最近好威既警察都唔例外，不過就有網民聽見老闆大大聲話唔做警察生意，繼而cut線，引來當時食客拍案叫好，之後事件傳開，好多中環打工仔都話要用金錢狠狠地懲罰下佢地！
▲窩蛋香茅牛肉紅飯（＄62） 窩蛋係半熟流心狀態做到好似温泉蛋咁，牛肉惹味鮮嫩多汁，加埋拌飯既薑蔥、小蕃茄。
▲香燒沙嗲牛肉飯（$51）成個飯份量唔小，多肉多汁！融合着沙嗲花生香甜同烤牛肉既焦香。
▲香茅雞扒湯濛（$53）香茅天然香氣同雞扒好夾，大大塊食落都唔膩！
▲越式春卷、豬扒撈檬（$53）凍檬撈埋酸酸甜甜嘅自家秘制越南檬汁，係夏天之選！
▲河內生牛肉湯河（$51）湯式鮮甜濃郁夠滾，將生牛肉燙熟，咁樣食落牛肉更嫩
越僑
地址：中環租庇利街鐵行里12號地下
電話：25260874/28695168
營業時間：星期一至五 08:00 – 21:00 / 星期六 11:00 – 19:00
文字來源：香港人遊香港／圖片來源：@hkfoodjourney520、@clifflui、@eatternal、@laurier_law、@alice_bigmouth