近呢幾年租金加到好貴，再唔係就業主因為被收購而唔再續租，所以好多小店都做唔住或者要搵過第二個鋪位！呢間cafe開左5年有多，老闆會keep住諗啲新menu或者一啲特別既菜式，例如棉花糖飲品、摩天輪tea set、London Tea Set、粉紅電視機tea set等，家陣仲有同麻甩女子祖整個夢間限定tea set! 老闆真係落足心機經營呢間餐廳，有時親力親為入埋廚房做埋廚師，可惜既係因為幢大廈比人收購，無得再營業了！希望大家可以係呢兩個月裡面幫襯下、支持下老闆同小店。因為啲野食真係幾好味同埋菜式夠特別，唔希望老闆因爲咁而氣餒！
▲Cafe同麻甩女子祖合作搞左聯乘主題期間cafe，係cafe 既告別作，小編都大感錯愕。
▲由今日去到8月15日，鋪頭既裝修都有麻甩女子祖既插畫同粉紅打卡位，有4款以粉紅色為主既麻甩女子祖甜品同埋限量麻甩精品。
▲粉紅色locker
▲有4款以粉紅色為主既麻甩女子祖甜品同埋限量麻甩精品。
▲麻甩餐牌有4款聯乘食物
▲麻甩餐牌：草莓乳酪千層餅($52)。
▲麻甩餐牌：麻甩草莓芭非($52)。
▲麻甩餐牌：麻甩粒粒草莓牛奶($52): 飲落去好濃郁草莓味，仲會有好多粒草莓。
▲麻甩餐牌：麻甩懸浮草莓多士($68): 呢間賣相好靚，打卡一流，仲會有吉士醬可以點。
▲除左麻甩聯乘之外，主餐牌都有好多好野食既。熱花果茶1人份量–紅棗枸杞五寶茶($58)。
▲懸浮波士頓龍蝦汁配扁意粉($188): 個樣打卡一流，龍蝦汁都幾濃味，唔會太流，同埋有啖啖龍蝦肉食！份量都大碟，係二人份量。
▲櫻花蝦明太子天使麵($128)。
▲牛油果粟米野菌燉飯($138): 份量適中食晒都會飽，如果中意食牛果油既人記得叫呢個，好香牛油果味，又多牛油果粒，食落去成個飯都好清新好素！
White Button Cafe & Dessert
地址:尖沙咀亞士厘道23號雅士利中心12樓 營業時間:星期一、星期三至日12:00 – 22:00 電話:23729998
文字來源／圖片來源：香港人.遊香港
]]>