呢間日本餐廳位於銅鑼灣時代廣場嘅通天樓層，所有海鮮食材都係每日由日本直送過嚟。當中最受歡迎嘅就係吞拿魚腩薄脆，喺卜卜脆嘅米通上面搽咗千島醬，上面再鋪滿吞拿魚腩蓉，香脆同軟綿綿嘅口感混合埋一齊，非常有趣。再加埋大大盤嘅特上刺身拼盤，真係睇見都流口水。
▲吞拿魚腩薄脆($88)，同一般壽司好唔同，咬落去可以同時感受到吞拿魚腩蓉嘅軟綿同米通嘅香脆，口感非常豐富。
▲特上刺身拼盤($538)，總共有十款刺身，拖羅入口即溶，帶子夠厚身，牡丹蝦鮮甜彈牙，絕對能夠滿足到一眾刺身控。
▲豪華三色飯($328)，有齊海膽、吞拿魚腩蓉同埋魚籽，如果覺得齋食壽司刺身唔夠飽嘅話，可以叫埋呢個飯。
▲蔥吞拿魚腩飯($188)，吞拿魚係唔少人嘅至愛，覺得上面嘅吞拿魚腩脆同埋三色飯唔夠喉嘅話，呢個飯絕對可以滿足到你。
▲霜燒魚生飯量($188)，魚生經過火灸，多咗一層香氣，再加上厚身嘅帶子，齒頰留香。
鰭穴
地址：銅鑼灣勿地臣街1號時代廣場12樓1202號舖
營業時間：星期一至日 12:00 – 23:00
文字來源：香港人遊香港／圖片來源：@kestermama、joycexlicious、mokeestory、foodie_00