成日小編都被問銅鑼灣有咩正野食，要坐得舒適可以選擇開平道Cubus，間間都好高質，而頂層呢間主打中西合璧Fusion菜！場內仲有飽覽維港景色露台，係慶祝生日／紀念日既好地方之餘，三五知己黎食飯傾計都好適合！值得一提係，呢度Fusion菜Menu花多眼亂，同時滿足到素食者同肉食控既需要，為素食者而設既石鍋素鰻魚炒飯整得維肖維妙，同行既肉食控又可以歎盡香煎韓牛西冷同鎮江醋慢煮美國牛肋骨，一定深得牛魔喜愛！
▲法式香煎鵝肝配中式自家製酸梅醬（＄188）：自家製梅子醬相當有誠意，並帶有梅子蓉，酸酸地中和飽滿鵝肝油膩！
▲煙燻樟茶法國鵪鶉（＄368）： 鵪鶉釀了法國麵包、蘋果及香桃，外面薄薄的鵪鶉肉，遠遠都聞到好濃煙燻樟茶味，十分有新意！
▲牛肝菌花膠栗子燉鵪鶉（$538）： 鵪鶉十分足料，大塊花膠、鵪鶉肉，全部燉林味清甜。
▲香煎1++橫城韓牛西冷扒（＄588） : 1++係韓國牛肉最高品質牛熟，肉嫩得黎肉汁又juicy。
▲鎮江醋慢煮美國牛肋骨配黑醋珍珠（$328）：必食推介！醋和牛肋骨是絕配。醋酸沒有遮蓋肉味，反而更加提升口感，入口即融！
▲花雕蛋白蒸新鮮法國麵包蟹（$588）：蛋白可以食到有鮮甜蟹汁，蟹蓋裏面的蛋白還有濃濃蟹膏！
▲石鍋素鰻魚炒飯（＄228）： 素鰻魚無論賣相同味道都九成似！驚喜是飯焦，石鍋邊烤到脆卜卜，就算加了醬汁都脆！
Cubus 28
地址：銅鑼灣開平道1號Cubus 28樓
電話：25623123
文字/圖片來源：香港人.遊香港