呢間良心日式小店定位係做街坊生意，所以價錢都好平。唔好以為呢間店鋪個名就淨係得牛丼食，呢度仲有日式大碗飯、日式拉麵、日式咖哩飯同埋日式風味小吃。小店有啲似快餐形式，上菜速度好快。但呢間小店位置唔係好顯眼，位於千色滙地下側巷，入面坐位都唔算多，大約只可容納20-30人，一到午飯或晚市時間都多人！
▲芝士燒牛肉飯($55):呢個飯岩晒啲芝士控呀！食落去好邪惡！不過牛肉份量就略為少左啲！
▲日式叉燒拉麵($55): 拉麵湯底係豬骨湯味，呢個價錢比起啲拉麵店實在太抵食，唔好以為呢度啲味玉唔好味，都好入味同整到蛋黃半熟嫁！同埋啲叉燒唔會太乾仲有啲肥肉添。
▲黑咖啡吉列豬排飯($58):黑咖喱食落去好香同唔辣，小朋友都可以食，而塊吉列豬扒大好塊同脆身！
▲原祖燒牛肉飯($49): 呢個飯咁既價錢好有驚喜，牛肉每片都燒過，但又唔會燒到過乾而又充滿油香味，而飯都吸收晒燒肉汁既味道好惹味。
▲日式章魚燒($32 6粒):章魚燒個皮整到脆脆地，不過章魚餡就略為細舊！
大丼家燒烤牛丼專門店
地址:荃灣眾安街68號荃灣千色匯II期地下G1-2號舖
營業時間:11:30 – 22:00
電話:26169611
文字來源：香港人.遊香港／圖片來源：@tastytommy、@eatwithjojohnny、@chowchi1220