深水埗出名多平民食店，餐廳價格都相對上比其他區平，今次介紹既呢間日本食堂都唔例外。呢間有壽司、Omakase魚生丼、小食同甜品等選擇，價錢對於日本餐廳黎講絕對係街坊價！呢間既甜品都好出色，比起甜品店甜品味道絕對品輸蝕。呢間係用QRCode Scan完落單，唔洗用落單紙呢樣較為環保同埋快捷啲落單，又唔怕店員會人手落錯單！
▲甜品拼盤($99):甜品分別有黑朱古力心太軟、咖啡奶凍、紅豆抹茶厥餅、水信玄餅、蜜瓜牛乳雪糕！望住甜品menu，唔知揀邊款既話叫呢個岩晒！
▲一福壽司盛($188):諗唔到食咩既話叫呢個set岩晒，有三文魚腩、火灸三文魚、拖羅、赤貝、海膽、蟹膏、帆立貝等壽司再加一福卷！呢度既刺身幾新鮮！
▲牛肉壽喜燒($95):牛肉火鍋內食材豐富，好多片牛肉片、大蔥、娃娃菜、粉絲、冬菇及金菇。牛肉同粉絲吸收晒壽喜燒甜甜既湯底，好食！
▲一福卷($69):呢個卷物配料好豐富，有海膽、拖羅蓉、三文魚籽，配料多到好難一啖放落口！呢個價錢絕對控食！
▲海膽蒸蛋($58): 蒸蛋好滑，食蛋時食得出有海膽鮮味。
一福
地址:長沙灣長沙灣道680號麗新商業中心地下1-11號舖
營業時間:11:00 – 23:00
電話:22859985
文字來源：香港人.遊香港／圖片來源: @dulllifehkk、@food_lover_852、@flying_foodie_piggy、@rl2hk、@__doughnut___