玫瑰象徵愛情，好多女仔都鍾意呢種花。呢間中環嘅樓上Cafe就推出咗一個系列以玫瑰為主題嘅美食，比如玫瑰雞翼同玫瑰牛油果煙肉肉醬長通粉都係相當受歡迎嘅菜式，其中不能不提嘅就係玫瑰西瓜BB蛋糕，絕對係呢到嘅必食系列。除此之外，仲有法式焦糖咖啡千層蛋糕同伯爵茶蛋糕，唔只好食，而且每款蛋糕都做得非常精緻，啱哂打卡！呢間樓上Cafe仲多次參與社區抗爭罷工罷市行動，係值得支持既！
▲多款以玫瑰為主題的菜式，其中玫瑰牛油果煙肉肉醬長通粉($98)非常受歡迎，滿滿嘅芝士上面以玫瑰形牛油果做點綴，份量十足。值得一提嘅係，呢間Cafe喺過去幾次都有參與罷市，香港人一定要去撐下！
▲玫瑰西瓜BB蛋糕($68)，清爽嘅西瓜令成個蛋糕完全唔膩，而且賣相非常可愛，極啱打卡！
▲玫瑰雞翼($88)，可以話係繼西瓜蛋糕之後第二受歡迎嘅菜式，雞翼上面搽咗玫瑰汁，別有一番風味。
▲伯爵茶蛋糕($48)，伯爵茶味好濃郁，口感鬆軟，亦唔會太甜。
▲法式焦糖咖啡千層蛋糕($48)，充滿咖啡香氣，加埋千層口感，睇見都流口水。
Sogno Cafe+
地址：中環威靈頓街97號威利大廈2樓D室
電話：2757 9878
營業時間：星期一至四 12:00 – 19:30；星期五至六 12:00 – 21:15；星期日 13:00 – 18:00
文字來源：香港人.遊香港／圖片來源：@dan_hm_chan、senna_pig、sognocafe、foodie.soul_hk