![](https://www.hkppltravel.com/wp-content/uploads/2019/08/ghkl.jpg)
Hello Kitty 45週年,周圍都有超多慶祝活動,呢間灣仔碼頭就搞左個主題夏祭,Kitty 既3.4米高夏祭場景大型裝置坐落中庭,仲有俏Kitty主題美食同期間限定商品,今次仲會有期間限定遊戲攤位,Kitty控一次過滿足食買玩打卡願望,打卡位必影可愛立體Hello Kitty 燈籠+太鼓,而今次主題美食都充滿驚喜,尤其係Hello Kitty 軍艦壽司盛層層階梯,可愛既Hello Kitty帶子壽司點捨得食!
![](https://hkppltravel.com/wp-content/uploads/2019/08/IMG_1130-1024x575.jpg)
▲Hello Kitty 主題夏祭,祭櫓兩旁都有可愛立體Hello Kitty燈籠,中間1米大型Hello Kitty 太鼓就以經典蝴蝶結裝飾
![](https://hkppltravel.com/wp-content/uploads/2019/08/IMG_1132-1024x575.jpg)
▲店舖大門、零售區、走廊、牆壁、用餐區域,都係《Hello Kitty 夏祭》主題佈置
![](https://hkppltravel.com/wp-content/uploads/2019/08/IMG_1138-1024x575.jpg)
▲一黎到已經見到好大班既門口打卡位。
![](https://hkppltravel.com/wp-content/uploads/2019/08/IMG_1102-1024x575.jpg)
▲Hello Kitty($88)勁有屋台氣氛既關東煮包含9款美食(半片、大根、魚旦、芋絲、淮山卷、竹輪、黑薯糕、玉子等),加上可愛Hello Kitty 圖案造型食材
![](https://hkppltravel.com/wp-content/uploads/2019/08/IMG_1107-575x1024.jpg)
▲Hello Kitty流水梅子素麵配炸蝦天婦羅,想食既話就要電話預先預訂,玩味十足 (2人前/$288)
![](https://hkppltravel.com/wp-content/uploads/2019/08/IMG_1106-662x1024.jpg)
▲Hello Kitty造型冰粒配上少女心粉紅色既梅子素麵,很是吸睛。
![](https://hkppltravel.com/wp-content/uploads/2019/08/IMG_1104-664x1024.jpg)
▲軍艦壽司盛(8件)外型精緻,立體造型HelloKitty帶子壽司最為特別,更有4款印上不同造型圖案軍艦壽司包括三文魚籽、辣三文魚、香蔥吞拿魚腩、燒左口魚邊
![](https://hkppltravel.com/wp-content/uploads/2019/08/IMG_1108-640x1024.jpg)
▲Hello Kitty銅鑼玉子盛($138)銅鑼燒同玉子燒都係日本街頭美食既表表者,呢款甜品集齊哂2樣野!
![](https://hkppltravel.com/wp-content/uploads/2019/08/IMG_1120-682x1024.jpg)
▲Hello Kitty X Via Tokyo芭菲杯($88) / 芭菲筒($78)芭菲底層舖滿了黑加侖子啫喱,再加入香濃牛乳軟雪糕外、脆米、士多啤梨味雪糕,面層有Hello Kitty大頭白朱古力、招牌蝴蝶結曲奇、新鮮士多啤梨粒和士多啤梨爆谷,打卡呃like指數爆燈!
![](https://hkppltravel.com/wp-content/uploads/2019/08/IMG_1097-1-575x1024.jpg)
▲熱情果沙冰特飲($78); 椰子豆漿沙冰特飲(含酒精): ($98)兩款飲料都吸睛非常。
![](https://hkppltravel.com/wp-content/uploads/2019/08/IMG_1133-575x1024.jpg)
▲係餐廳order主題食品滿$200,就可以到以換購價購入一件限定產品!滿$350可購入2件;滿$500可購入3件。Hello Kitty望題tee(換購價:$158)
![](https://hkppltravel.com/wp-content/uploads/2019/08/IMG_1137-1024x617.jpg)
▲Hello Kitty 沙灘巾 (換購價:$168)
![](https://hkppltravel.com/wp-content/uploads/2019/08/IMG_1136-690x1024.jpg)
▲Hello Kitty 團扇 (換購價:$138)呢個團扇造型傳統,比較少見。
築地山貴水產市場 x 《Hello Kitty 夏祭》
限定日期: 2019年7月31日至9月2日
時間:中午12時 – 晚上10時30分
地址:灣仔渡輪碼頭築地山貴水產 – 灣仔碼頭二樓
文字/圖片來源:香港人.遊香港