呢間打正旗號嘅正宗傅統四川菜餐館係旺角新世紀廣場MOKO開業，店內嘅川菜料理和中式點心由經驗豐富嘅川菜大師和星級酒店總廚主理，水準有一定嘅保證。中式點心更係點心總廚自家創造，有正宗四川麻辣油嘅紅菜頭麻辣水晶果、黑松露野菌餃和蘋果叉燒酥。川菜料理更有蒜泥白肉、麻辣十足嘅水煮厚切牛舌和辣子大腸，每款料理烹調方式更係考功夫，味道冇得輸。
▲紅菜頭麻辣水晶果($33)，更係餐館嘅獨家點心，餡料豐富，用咗紅菜頭、蝦肉、冬菇和川菜料，入面更充斥住川味麻辣汁，水晶皮更係全生粉製造，皮薄多汁
▲黑松露野菌餃($33)，綠色嘅水晶外皮係用韭菜打汁而成，內餡有多種野菌和菇類添合，包餡時仲加入黑松露醬和白松露油，令野菌餃味道更加特出
▲甜品方面食香蕉撻都係必食之一，撻內有糖水浸住香蕉，一口咬入，香蕉濃郁
▲另一款獨家點心係蘋果叉燒酥($38)，外皮油炸時間掌握精準，唔會鬆散既唔會過硬，內餡嘅蘋果肉嫩滑，果香陣陣
▲食完麻辣料理，當然要解辣，呢道蜜瓜脆奶($178)係懷舊炸鮮奶菜式，採用新鮮蜜瓜汁，再同牛奶和其他配料係鑊中推奶，烹調手法複雜，炸皮唔會油膩，內餡充斥香濃蜜瓜香味
▲麻辣小籠包，麻辣汁十足，豬肉肉質嫩滑
▲蒜泥白肉($118)，大廚特別選用山東蒜，混入四川沙拉油，花時間將蒜磨到細膩口感。白肉更係選用胰島肉，用薑和白酒一齊煮，然後將肉片用滾水浸泡，令肉質爽口彈牙。淋上秘製醬汁，用生抽和黃糖等配料烹6小時，令醬汁起膠質狀做到掛汁效果
▲砂窩胡椒蝦，用大量優質嘅海南島白胡椒粒炒香，將已炸好嘅鮮蝦一同放落燒香嘅鍋，再淋上紹酒即蓋上鍋蓋，蝦肉味道火喉十足
▲辣子大腸($188)，大腸更係經過高溫酒炸到皮脆，味道辣度火喉十足，主要係用咗爆椒烹調，再用花椒油爆香，令大腸沾滿川味辣椒味
念川居
地址：旺角MOKO 新世紀廣場5樓501舖
電話: 2339 1900
圖片及文字來源：香港人.遊香港