最近餐廳為左慶祝週年活動同埋自助午餐大受歡迎，所以舉辦左個$188任食自助晚餐，仲會有個Taco Bar比客人自製自己想食既配料，要注意既係有哦啲菜式款式係會轉。除左飲食之外，客人仲要可以加$20任飲檸檬茶同雜果賓治，又或者加$70 任飲嘉士伯、瑪格麗特同朋友一路食一路任飲酒傾計。餐廳裝修仲好有特色，牆上掛住唔少墨西哥裝飾同圖畫，上層係自助餐地方，而下層就係酒吧。
▲頭盤海鮮:有海蝦、蜆肉可以揀，蝦好鮮甜！
▲Taco Bar有多款醬同配料比客人自選，最多客人選既一定係牛油果醬。
▲咁多料既Taco好滿足。
▲炸芝士火腿波波：個皮炸到脆脆地，切開入面有火腿粒。
▲墨西哥風味烤雞：啲肉睇落好似好難咁，但食落又唔會，同埋好濃味！
▲長通粉沙律：呢個做前盤岩晒，食落都開胃，仲會有西蘭花、火腿作配料。
▲薄切牛肉片：呢個一上菜就好多人會先揀，牛味重同埋唔會咬唔爛。
▲手撕豬堡：細細個造型得意，岩晒啲想試下食但又怕太飽既人。手撕豬肉好夠味，配埋牛油麵包食好惹味。
▲西班牙炸油條：每舊都好脆，不過如果有醬比客人點會更加好。
▲上面係奶凍，好香奶味又滑，好好食！而下面就係Brownie，細細舊唔會好漏，面頭仲有朱古力醬。
▲有3款水果比客人選擇，食到好飽好漏時候食水果岩晒
▲呢杯就係加左$70任飲既瑪格麗特，酒精都多，唔係好飲得酒既人唔好飲咁多杯！最欣賞既就係餐廳用環保飲管！
▲呢杯就係加左$20既雜果賓治，酒精唔多，岩啲唔係好飲得酒既人！
Coyote Bar & Grill
地址: 灣仔駱克道114-120號嘉洛商業大廈
營業時間:12:00-02:00
電話: 28612221
文字／圖片來源：香港人.遊香港