呢間大圍米線鋪係街坊新寵，餐廳裝潢以黑色、深木色為主，環境悠閒文青風，同一般街坊店有所不同，主打自家製作既滷水配料米線、湯飯，滷水加上花椒、八角，特別加入麥芽糖、啤酒，因此滷水配料帶香甜，色澤呈啡色，滷水都落足心機製作，誠意十足外，另外除左米線之外，麻香手撕雞煎蛋牛角包、爆餡蛋牛治都係相當吸引既餐點，一定要相機食先！
▲招牌滷雜滙（$64）就更加唔洗講 可揀配泡飯或米線，滷水配料有滷鴨片、滷大腸、滷雞腎、滷蛋
▲麥芽啤酒滷鴨片（$62）滷水啤加入啤酒、麥芽糖，咸香而帶清甜。滷鴨片啖啖肉！
▲麻香手撕雞煎蛋包（$42）手撕雞辣度適中，混埋水汪汪既煎蛋一齊食！
▲爆餡蛋牛治（$42）蛋牛治令人驚喜，蛋牛餡料好厚夠足料，仲有蛋汁流出黎！
▲手拉奶茶（$20）/ 自家製檸檬意米水（$20）：手拉奶茶製作時會拉茶6次，口感順滑。
肆年八月米線專門店
地址：大圍下徑口村30號地舖
電話：98727223
營業時間：08:00 – 15:00／18:30 – 21:00 星期一全日休息
文字來源：香港人.遊香港／圖片來源：dayoffandeat、@thefourthaugust_noodlehouse、@sukysusu、@naomi.artistry