尖沙咀都食到正宗泰國地道！頂級肥牛/波士頓龍蝦麵船麵

港式車仔麵就食得多，泰式車仔麵又試過未呢?泰國船麵其實同車仔麵無異，亦都係泰國小食既一種。呢間鋪食落去算係搵得番泰國地道既味道，廚師全是泰國人。店內粉麵既湯底一共有3款選擇，包括船湯、冬陰公湯同清湯。船湯湯底係用血與其他香料而成，香料有南薑、香茅、青檸、花椒、八角、桂葉、丁香、胡椒、芫荽根、班蘭葉、蒜頭等等，仲有其他由泰北搜尋回來的香料，因此船湯望落係深啡色，食落非常濃郁同隱約滲發少許藥材香草味。

▲頂級美國肥牛船麵($68): 份量算適中，除左有肥牛之外，仲有魚蛋、秋葵、蘿蔔同泰國炸豬皮。炸豬皮係好脆，建議唔好浸落個湯度整淋啲豬皮。

▲原隻波士頓龍蝦海鮮船湯金邊粉($188): 龍蝦份量都勁大隻，佔左半隻碗位置。龍蝦仲要係勁多膏同啖啖肉，龍蝦迷絕對要一試。

▲炸雞翼($38/4隻): 雞翼炸到皮好脆，啲肉食落又香又嫩口，可以點埋泰式辣醬黎食！

▲泰式炸腩仔($48):炸腩仔啲肉幾肥美，但又唔會食到好膩，而且外層炸到脆脆哋好有咬口。

▲冬陰功湯飯: 除左有麵食之外，亦可以揀飯。飯較麵仲入湯底味道，有大蝦、青口等作配菜。

▲青檸梳打 ($28): 食泰國菜又點可以唔飲番杯青檸梳打！青檸梳打係用泰國品牌玻璃樽裝梳打水，而青檸汁係另上既，然後自己兩溝番。

泰濃麵

地址:尖沙咀樂道7號嘉樂大廈地下A舖
營業時間:11:00 – 00:00
電話:23504808

文字來源：香港人.遊香港／圖片來源：@chuangad、@waiwai1128、@hoijun_foodie、@iveyves、@jfycheung、@siam.noodles