小編每次去大球場之前都會經過丹麥餅店，咁多年食物製法同鋪頭陳設都始終如一。所有包都係即叫即做，用焗爐裡微微烘熱麵包，加入自家製沙律醬同茄汁，再加入石斑魚柳、豬扒等材料，小編特別愛好石斑魚柳包，因為呢種港式味道，好少地方再食得到。
▲石斑魚柳包($18):塊魚大過塊包好多，魚柳炸得鬆脆，肉質雪白嫩滑。加上少許沙律醬和茄汁，簡單而風味十足！
▲豬扒包($18)：丹麥餅店豬扒包都係用新鮮手工麵包，豬扒包每每即叫即做，首先將麵包放入烤盤烤外層微脆，而豬扒炸起後，再淋上秘製沙律醬及茄汁即可食用，豬扒包微脆外皮加酥脆且多汁既豬排，以及酸酸甜甜既醬汁，真係天作之合！
▲熱狗($12):採用新鮮麵包，外層烘到脆卜卜，內裡香軟十足，腸仔鹹脆，配合自家沙律醬非常惹味。
▲黃色價目表招牌已經有許多年歷史，而上頭食物價位都是用手寫，真係好有懷舊feel，歷史痕跡，完全表露無遺。
丹麥餅店
地址：銅鑼灣禮頓道106號禮信大廈地下
文字來源：香港人.遊香港／圖片來源：louiscalade,mirmandaeats,wannyic